Астанада қысқы серуенге арналған орындар: сырғанақтар, мұз айдындары, шыршалар және мерекелік фотоаймақтар

Қыс мезгілінде Астана тұрғындары мен қонақтарын көптеген ойын-сауық түрлері күтіп тұр: мұз айдындары, слайдтар, шағын архитектуралық нысандар, фотоаймақтар және тағы басқалар. Осындай 60-қа жуық орын қаланың 6 ауданында ашылады және қыс бойы жұмыс істейді деп жоспарланып отыр деп хабарлайды елорда әкімдігінің ресми сайты.

Мұз айдындарын, слайдтарды, шағын архитектуралық нысандарды, фотоаймақтарды және басқа да элементтерді ашу бойынша монтаждау жұмыстары қараша айының ортасынан басталды. Ол желтоқсанның екінші онкүндігінде кезең-кезеңімен аяқталады.

Сарыарқа ауданында 12 сырғанақ пен 4 мұз айдынын жабдықтау жоспарланып отыр. Қалалық алаңда үлкен сырғанақ пен мұз айдыны, сондай-ақ мерекелік фотосурет түсіруге арналған қолайлы тақырыптық фотоаймақтар мен табиғи шырша орнатылады.

Бөгенбай батыр даңғылы, 43 бойындағы саябақ: табиғи шырша маңында орналасқан отбасылық мұз айдыны.

"Көктал" саябағы: түрлі жастағы адамдарға арналған екі сырғанақ, сонымен қатар жаппай сырғанауға арналған үлкен мұз айдыны.

Есіл өзенінің жағалауы: түрлі деңгейдегі 8 сырғанақ және өзеннің үстіндегі мұз айдыны.

А.Герцен және Оқжетпес көшелерінің қиылысы: қысқы демалысты көңілді өткізу үшін сырғанақтардың бірін орнату.

Байқоңыр ауданында негізгі ойын-сауық орындары мына мекенжайларда орналасады:

• "Жастар" сарайы (Республика даңғылы, 34) аумағында мұз айдынын, сырғанақ жабдықтау және Жаңа жылдық шырша орнату жоспарланып отыр;
• Ж.Тәшенов көшесіндегі К.Ататүрік атындағы саябақ - мұнда мұз айдыны мен сырғанақ орнату жоспарланып отыр;
• "Жазушылар аллеясы" (Абай даңғылы) - осы учаскеде сырғанақ жабдықтау, шыршалар, Жаңа жылдық инсталляциялар мен шағын архитектуралық нысандар орнату жоспарланып отыр;
• Өндіріс елді мекені (Ақбидай мен Кемеңгерұлы көшелерінің қиылысы) - мұнда мұз айдыны мен сырғанақ орнатылады;
• Кирпичный елді мекені (Чехоев және Жолымбет көшелерінің қиылысы) - мұз айдыны мен сырғанақ ашылады;
• Қазқалашық елді мекені (Досмұхамедұлы көшесі, 6) - биіктігі 2 метр сырғанақ және 6 метрлік шырша орнатылады;
• "СМП" елді мекені (Кеншілер көшесі 5, 126-көше) - биіктігі 2 метр сырғанақ және 6 метрлік шырша орнатылады. Дәл осындай сырғанақ 126-шы көшеде орнатылады.
• Қоянды саяжай алабы (Алаш тасжолы) - мұнда биіктігі 4 метр сырғанақ, сондай-ақ бес метрлік шырша орнатылады.
• Сонымен қатар Целинный шағын ауданындағы Жұбанов көшесі, 3, 3/1, 3/2 аулаларының аумағында үлкен мұз айдыны ашылады. Республика даңғылында және Ж.Тәшенов көшесінде Жаңа жылдық жарықтандырулар ілінеді.

Есіл ауданында дәстүрлі түрде ЭКСПО аумағында мұз айдыны, сырғанақтар және шырша орнатылады. Сондай-ақ сырғанақ Пригородный елді мекенінде де ашылады, ал Жаңа жылдық шыршалар мына орындарды безендіреді: Түркістан көшесі жағындағы Ботаникалық бақ, Қабанбай батыр даңғылындағы көпір астындағы алаң, Пригородный елді мекенінде (Арнасай-Жаңадария көшелерінің қиылысы) және Достық көшесі мен Нұржол бульварының қиылысындағы жаңа алаң. Биыл шыршалар алты негізгі орынға орнатылады.

Алматы және Сарайшық аудандарында мына орындар жабдықталады:

• Қазақ елі монументінің алаңында 2 мұз айдыны, сырғанақ және Жаңа жылдық шырша ашылады. Алаңның аумағы шағын архитектуралық нысандармен, жарық-люминациялық паннолармен безендірілетін болады.
• Тәуелсіздік даңғылындағы Оқушылар сарайының жанында слайдтар, шыршалар, шағын архитектуралық нысандар, фотоаймақ және мұз айдыны орнатылады.
• Триатлон саябағында мұз айдыны мен сырғанақ ашу жоспарланып отыр.
• "Sana Sport" спорт кешенінің аумағында мұз айдыны, шырша және шағын архитектуралық нысандар орнатылады.
• Тағы 4 сырғанақ Теміржолшылар, Өнеркәсіп, Интернациональный және Күйгенжар тұрғын алаптарында пайда болады.
• Нұра ауданында арнайы тақырыптағы шағын сәулет нысандары орнатылады, фотоаймақтар безендіріліп, жеті сырғанақ пен жеті мұз айдыны ашылады.
• 14 желтоқсанда сағат мұнарасынан (Тұран даңғылының жағындағы орталық саябақтың аумағы) басталатын 290 метрлік желілік мұз айдыны ашылады. Мұз айдынының өзінен бөлек, саябақта шырша мен тақырыптық қондырғылар, сондай-ақ жәрмеңкелерге арналған сауда павильондары және т.б. болады.

"Астана-Арена" стадионының маңында екі мұз айдыны мен бір сырғанақ орнатылады. Сол сияқты үлкен мұз айдыны мен сырғанақ "Зеленый квартал" тұрғын үй кешенінің жанында ашылады. Жағалау скверінде сырғанақ орналасады, Үркер елді мекенінде сырғанақ пен мұз айдыны салынады. Бұдан бөлек, Ғашықтар саябағының аумағында, "Зеленый квартал" ТК жанында және Қабанбай батыр даңғылы мен Қорғалжын тасжолының қиылысында Жаңа жылдық фотоаймақтар ашылады.

Астана қаласының Ішкі саясат басқармасы ұсынған материал