Астанада қоғамдық орында балағат сөз айтқан спортшы жауапқа тартылды, - деп хабарлайды Massaget.kz тілшісі.
ІІМ мәліметінше, спортшы қоғамдық іс-шара кезінде балағат сөздер айтқан.
"Ол қоғамдық орында әдепсіз сөздер айтып, айналасындағыларға құрметсіздік таныту арқылы ұсақ бұзақылық жасағаны үшін әкімшілік жауапқа тартылды. Сот шешімімен оған 20 АЕК мөлшерінде айыппұл салынды", - деді Астана ПД өкілі.
Алайда полиция спортшының аты-жөнін атамады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова