Астанада кімдер көлікті тұраққа тегін қоя алады?

Астана әкімдігі ақылы автотұрақтарға кімдердің көлікті тегін қоя алатынын айтты, - деп хабарлайды Massaget.kz тілшісі.

Тегін тұраққа рұқсатты азаматтардың келесі санаттарына тіркелген көлік құралдарының иелері ала алады:

• "Алтын қыран" және "Халық қаһарманы" ордендерімен марапатталған тұлғаларға тіркелген көлік құралдары;
• "Алтын алқа" және "Күміс алқа" алқаларымен марапатталған немесе бұрын "Батыр ана" атағын алған, сондай-ақ I, II және III дәрежелі "Ана даңқы" ордендерімен марапатталған көпбалалы аналарға тіркелген көлік құралдары;
• әскери қызметтен босатылған немесе әскери жиындарға шақырылған, Ауғанстанда және басқа да әскери іс-қимылдар жүргізілген басқа елдерде интернационалдық борышын орындаған, осы көлік құралдарын жүргізетін не осы көлік құралдарында жүрген азаматтарға тіркелген көлік құралдары;
• мүгедек балаларға, бірінші және екінші топтағы мүгедек адамдарға, сондай-ақ мүгедек баланың заңды өкілдеріне тіркелген көлік құралдары;
• Семей ядролық сынақ полигонындағы ядролық сынақтардың салдарынан зардап шеккен адамдарға тіркелген көлік құралдары;
• тиісті тану белгілері, түсті-графикалық бояуы және жазулары бар шұғыл жедел қызметтердің (жедел медициналық көмек, Қазақстан Республикасы Ішкі істер министрлігі, Қазақстан Республикасы Қарулы Күштері Әскери полициясы, Қазақстан Республикасы Ұлттық қауіпсіздік комитеті) көлік құралдары;
• Ұлы Отан соғысына қатысушыларға, атап айтқанда, ҰОС кезеңінде әрекет етуші армия мен флоттың құрамына кірген әскери бөлімдерде, штабтар мен мекемелерде қызмет өткерген әскери қызметшілерге, сондай-ақ басқа мемлекеттер аумағындағы әскери қимылдардың ардагерлеріне және жеңілдіктері бойынша Ұлы Отан соғысына қатысушыларға теңестірілген адамдарға тіркелген көлік құралдары.

Автотұрақ тракторларды өздігінен жүретін машиналарды және өлшемдері коммуналдық ақылы тұрақтардың тұрақ орындарының мөлшерінен асатын көлік құралдарын қоспағанда механикалық көлік құралдарына рәсімделеді. 

Instagram парақшамызға жазылып, ең қызықты ақпараттарды бірінші болып оқыңыз!