Астанада кинотеатр келушілері соққыға жығылған
![Астанада кинотеатр келушілері соққыға жығылған](/userdata/news/news_114814/image_l.jpg)
Астанада кинотеатр келушілері соққыға жығылған. Бұзақылық жасағандар сотталды, - деп хабарлайды Massaget.kz тілшісі Астананың прокуратурасына сілтеме жасап.
Кинотеатрда екі адам өтуге арналмаған кинозалдың орындығынан аттап өтіп, сол жерде отырған келушілерді соққыға жыққан.
Сараптама қорытындысына сәйкес жәбірленушілердің денсаулығына жеңіл зиян келген.
Сот үкімі бойынша кінәлілер бұзақылық үшін әрқайсысы 2 жылға бас бостандығын шектеуге сотталып, пробациялық бақылау белгіленді және жыл сайын 100 сағат мәжбүрлі еңбекке тартылды.
Олардан әрбір жәбірленушінің пайдасына 2 миллион теңге шамасында материалдық және моральдық залал өндірілді.
Үкім заңды күшіне енді.
Астана прокуратурасы азаматтарды қоғамдық тәртіпті сақтауға, құқықбұзушылықтарға төзбеуге, олардың алдын алуға және осындай деректер туралы құқық қорғау органдарына дереу хабарлауға шақырады.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Бөлек