Астанада жүк көлігінің жанармай багы жарылды. Көлік үш қабатты ғимараттың ішінде болған. Бұл туралы ТЖМ баспасөз қызметі мәлімдеді, - деп хабарлайды Massaget.kz тілшісі.
Астаналық өртсөндірушілер екі жүк автокөлігін оттан құтқарған.
"Сарыарқа ауданындағы Жарсуат көшесінде үш қабатты әкімшілік ғимараттың бірінші қабатында бокста өрт болған. Өрт сөндіру бөлімшелері келгенге дейін бокста жүк көлігінің жанармай багы жарылған", - делінген хабарламада.
Өрт кезінде бокс ішінде 3 жүк автокөліктері болған, өртсөндірушілер екі автокөлікті өрттен құтқарып қалды. Өрт салдарынан 3 адам зардап шекті, олар медициналық жедел жәрдем қызметкерлеріне тапсырылды.
Өрт 15 шаршы метр алаңда сөндірілді.
Қызықты жаңалықтар мен видеоларды көру үшін TikTok арнамызға жазылыңыз!