Астанада жер реформасы 7 сағат бойы талқыланды
![Астанада жер реформасы 7 сағат бойы талқыланды](/userdata/news/news_38378/image_l.jpg)
Астанада жер реформасы 7 сағатқа жуық уақыт бойы талқыланды. Құрамына 75 адам кіретін жер реформасы жөніндегі комиссияның отырысты таңғы сағат 10-да басталған еді, жиын 16.47-де аяқталды, осы уақыт бойы олар үзіліске де шыққан жоқ, - деп хабарлайды Tengrinews.kz тілшісі.
Жиын барысында түскі асқа барып келу ұсынылған болатын, дегенмен отырыс жалғаса берді. Жер мәселесі жөнінде пікір айтқысы келетіндер көп болды, комиссия төрағасы, премьер-министрдің бірінші орынбасары Бақытжан Сағынтаев оларға кезекпен сөз беріп отырды.
Ұлттық экономика министрі Қуандық Бишімбев тілшілерге берген сұхбатында жиынды ұйымдастырушылардың шараға қатысушыларға өз ойларын айтуға мүмкіндік беру үшін уақыт регламентін бұзуға мәжбүр болғанын айтты.