Астанада екпіні күшті жел жаңа аялдаманы қирата жаздады. Бұл туралы қала тұрғыны әлеуметтік желіде бөлісті, - деп хабарлайды Massaget.kz тілшісі.
Видеоны түсірген қыз бұл уақытта достарымен бірге осы аялдамада болғанын айтты. Оның қатты қобалжығанын байқауға болады: ол бұл жағдайдың қорқынышты екенін және дірілдеп тұрғанын айтты.
@alanakss22 Это Астана детка, наш любимый ветер😂 Но на самом деле ситуация страшная, я с 4 месячным ребенком, с сестренкой, бежала оттуда с глазами на лбу, было ппц страшно #этоастана#чп#аккуратноастана#ветерастаны#сходимастана#кудасходитьастана#осеньвастане ♬ оригинальный звук - Alanakss
Астана әкімдігінің баспасөз қызметі бұған қатысты түсінік берді. Олар Сығанақ көшесіндегі аялдаманың дәнекерлеу тігістерінің үзілгенін хабарлады.
Аялдама осы жазда орнатылған және ол екпіні күшті желге төтеп бермеген болуы мүмкін.
"Қазіргі уақытта аялдама ескерту лентасымен қоршалған. Жөндеу-қалпына келтіру жұмыстары күні бойы жүргізіледі. Сондай-ақ осындай ақаулардың бар-жоғын анықтау үшін барлық аялдама тексерілетінін хабарлаймыз. Анықталған жағдайда мердігер бригадасы қалпына келтіру жұмыстарын жүргізеді", - деп хабарлады әкімдік.
Қызықты жаңалықтар мен видеоларды көру үшін TikTok арнамызға жазылыңыз!