Астанада жекеменшік балабақшадан өрт шықты

Астанада "Шұбар" шағынауданындағы балабақшаның шатыры өртенді, - деп хабарлайды Massaget.kz тілшісі.

Астана Төтенше жағдайлар департаменті өкілдерінің мәліметінше, өрт туралы хабарлама бүгін сағат 15:29-да түскен. 

"Өртсөндірушілер келгенде жекеменшік балабақшаның шатыры өртеніп жатқаны анықталды. Өртсөндірушілер дереу адамдарды іздеуге кірісті. Әкімшіліктің мәліметінше, өртсөндірушілер келгенге дейін барлық бала балабақшадан шығарылған", - делінген хабарламада.

Төтенше жағдайлар министрлігінің ресми өкілі Руслан Иманқұлов барлық балалар қауіпсіз жерге жеткізілгенін нақтылады.

"Тәлімгерлер дұрыс жұмыс істеп, балаларды сыртқа шығарған. Қазір барлау жүргізіліп, мән-жайы нақтыланып, сөндіру жұмыстары жүргізіліп жатыр. Сағат 15:54-те ранг жарияланды", - деді Иманқұлов.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!