Астанада жатақхана өртенді, оқиға салдарынан зардап шеккендер бар, – деп хабарлайды Massaget.kz тілшісі ТЖМ баспасөз қызметіне сілтеме жасап.
Бүгін таңда Байқоңыр ауданы Тараз көшесінде орналасқан жатақханалардың бірінде бөлмелер мен ғимараттың шатыры жанды. Өрт сөндіру бөлімшелері оқиға орнына келген кезде шатыр мен 4-қабаттағы бөлмелер жанып жатқан.
"ТЖМ күштері үш иінді баспалдақтың көмегімен 3-қабаттан 6 адамды құтқарды. Алдын ала мәліметтер бойынша оқиға кезінде уланған 5 адам жедел медициналық жәрдем қызметкерлеріне тапсырылды", – деп жазылған хабарламада.
Өрт 850 шаршы метр алаңда сөндірілді. Өрттің себебі анықталып жатыр.
Еске салайық, 2023 жылы Алматыда хостелде өрт шығып, 13 адам қаза тапқаны хабарланды.
Аптаның басты оқиғалары мен пайдалы видеоларды көру үшін YouTube арнамызға жазылыңыз