Астанада жаңадан салынып жатқан мектепте өрт шықты: видео

Фото: куәгерлер кадры

15 маусым 2024, 17:32

Астанада салынып жатқан мектепте өрт шықты, - деп хабарлайды Massaget.kz тілшісі.

Оқырмандар Tengrinews.kz-ке елордада салынып жатқан құрылыс маңынан шығып жатқан қою қара түтіннің видеосын жолдаған. Куәгерлердің айтуынша, құрылысы аяқталмаған мектептен өрт шыққан.

Астана ТЖД мәліметінше, сағат 16:26-да Қабанбай батыр даңғылы 38/2 мекенжайында 1-4-қабаттарда жаңадан салынған мектептің қаптамасы өртенген. Өрттің аумағы анықталып жатыр. Оқиға орнында 13 адам мен 3 техника жұмыс істеп жатыр.

Сағат 16:47-де 40 шаршы метр аумақтағы өрт сөндірілгені айтылды.

Өзекті жаңалықтарды өз уақытында оқу үшін Facebook парақшамызға жазылыңыз!

Д. Шәріпхан