Астанада ер адам бұрынғы әйелінің үйіне ұрлыққа түскен
![Астанада ер адам бұрынғы әйелінің үйіне ұрлыққа түскен](/userdata/news/news_115055/image_l.jpg)
Фото:
depositphotos.com
Астанада ер адам бұрынғы әйелінің үйінен техника ұрлаған, - деп хабарлайды Massaget.kz тілшісі ІІМ баспасөз қызметіне сілтеме жасап.
Ұрлық жәбірленушінің пәтерінде болған. Ер адам бұрынғы жұбайының үйіне заттарын алуға келген. Алайда сол сәтті пайдаланып, жатын бөлмеге жасырын кіріп, құны 120 мың теңге тұратын Samsung Galaxy планшетін ұрлап, кейін оны сатып жіберген.
"Планшеттің жоғалғанын байқаған әйел дереу полицияға хабарласқан. Жедел іс-шаралар барысында Есіл аудандық Полиция басқарма қызметкерлері 44 жастағы ер адамды қолға түсірді", - деп жазылған хабарламада.
Күдікті жасаған қылмысын мойындаған. Ұрланған планшет тәркіленіп, иесіне қайтарылды.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова