Астанада ер адам әйелін ұрып-соғып, өзі 10-қабаттан секіріп кетті

Фото: depositphotos.com

03 қазан 2024, 19:31

Астанада ер адам әйелін ұрып-соғып, денесіне зақым келтіріп, кейін оныншы қабаттан секіріп кетті, – деп хабарлайды Massaget.kz тілшісі.

Астана полиция департаментінің хабарлауынша, оқиға 1 қазан күні сағат 23:36-да болған. Ерлі-зайыптының арасында жанжал шыққан.

"Полицияға ер адамның мәйіті табылғаны туралы хабар түсті. Ерлі-зайыптының арасында жанжал болғаны, ер адам әйелдің денесін жарақаттап, кейін тұрғын үйдің 10-қабатынан секіргені анықталды. Жәбірленуші ауруханаға жатқызылды", – деп хабарлады ведомство.

Аталған факті бойынша қылмыстық іс қозғалды.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

М. Лұқпан