Астанада екпіні күшті жел мен бұрқасын: әкімдік тұрғындарға үндеу жасады

Астанада екпіні күшті жел мен бұрқасын соғып тұр. Қалалық төтенше жағдайлар департаменті жүргізушілерге қозғалыс кезінде өте сақ болуды ескертті, - деп хабарлайды Massaget.kz тілшісі.

"Астананың төтенше жағдайлар департаменті "Қазгидромет" РМК деректері бойынша 8 қарашада түнде қарлы боран болатынын хабарлайды. Түнде оңтүстік-батыс желдің екпіні секундына 15-20 метрге жетеді", - деп ескертті құтқарушылар.

Ведомство жүргізушілерге жолда өте мұқият болуды ескертті.

Астана ТЖД азаматтарға қатты жел кезінде жарақат алмау үшін қауіпсіздік шараларын сақтауды ұсынады:

• ғимараттардан шығуға асықпаңыз (мүмкіндігінше үй-жайларда болыңыз);
• балаларды ерекше бақылауға алыңыз, оларды қараусыз қалдырмау маңызды;
• егер сіз қатты жел кезінде сыртта болсаңыз жақын маңдағы кіреберісте немесе дүкенді паналаңыз;
• үйлердің қабырғаларына жақын жерде қатты желден жасырынбаңыз, өйткені шатыр материалдары құлап кетуі мүмкін;
• қоғамдық көліктің ашық аялдамаларында, билбордтардың, ағаштардың астында, аяқталмаған ғимараттарда жасырынуға болмайды;
• қатты желде электр желісінің астында тұрып үзілген электр сымдарына жақындау өте қауіпті;
• жеке көлікті ағаштардан қауіпсіз қашықтықта қою ұсынылады.

Төтенше жағдайлар кезінде 101 және 112 нөмірлеріне хабарласу қажет.

Қызықты жаңалықтар мен видеоларды көру үшін TikTok арнамызға жазылыңыз!