Астанада екі полиция қызметкерінің "біртүрлі" әрекеті видеоға түсіп қалды
![Астанада екі полиция қызметкерінің "біртүрлі" әрекеті видеоға түсіп қалды](/userdata/news/news_103648/image_l.jpg)
Желіде астаналық полиция қызметкерлерінің видеосы пайда болды. Кадрларда жол қозғалысын реттеп тұрған екі полицей байқалады. Бірақ олардың қимылдарын жүргізушілер түсінбеген көрінеді, - деп хабарлайды Massaget.kz тілшісі.
Кадрларға қарағанда, оқиға Астанада Ұлы Дала даңғылында болған.
Видеода екі полиция қызмткері де Астанадағы қиылыстардың бірінде жүргізушілерге бір уақытта жол көрсетіп, бірдеңе деп айғайлап жатқаны көрінеді. Бір қызығы, олардың нұсқаулары бір-біріне қайшы келеді. Видео авторы қайсына бағынып, қайсына мән бермеу керек екенін әркім өзі шешуі керек деп кеңес берген.
Tengri Auto сауалынан кейін полиция департаменті видео кейіпкерлерін анықтады.
"Қиылыстағы полицейлер кептелістің алдын алу және қозғалыс қауіпсіздігін қамтамасыз ету мақсатында көлік қозғалысын басқа жаққа бұру шараларын қабылдады. Бұл ретте олардың әрекеттері бойынша тексеру жүріп жатыр", - деп хабарлады баспасөз қызметі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина