Төтенше жағдайлар министрлігі құтқарушылары кезекті өртті cөндірді, - деп хабарлайды Massaget.kz тілшісі.
Бүгін, 9 желтоқсанда Астананың Байқоңыр ауданында орналасқан базар аумағында контейнерде өрт шықты.
Құтқарушылар келгеннен кейін көкөніс павильоны жанып жатқаны анықталды.
"80 шаршы метр аумақты шарпыған өрт сөндірілді", - деп хабарлады ведомство.
Зардап шеккендер жоқ.
Еске салайық, 8 желтоқсанда Астанада жеке тұрғын үйлердің бірі өртке оранған еді. Құтқарушылар газ баллондарының жарылуының алдын алды.
Аптаның басты оқиғалары мен пайдалы видеоларды көру үшін YouTube арнамызға жазылыңыз