Астанада бала күтуші үй иесінің алтын бұйымдарын ұрлап кеткен
![Астанада бала күтуші үй иесінің алтын бұйымдарын ұрлап кеткен](/userdata/news/news_99734/image_l.jpg)
Елордалық полицейлер 1 млн 762 мың теңге сомасында шығынды құрайтын алтын бұйымдар ұрлығын ашты. Жедел-іздестіру шараларын жүргізу барысында Алматы ауданының ПБ қызметкерлері үйде бала күтуші болып жұмыс істеген 46 жастағы күдіктіні ұстады, - деп хабарлайды Massaget.kz тілшісі polisia.kz сайтына сілтеме жасап.
Белгілі болғандай, үй иесі хабарландыру бойынша балаларына күтуші тапқан. Ол жұмыста болған кезде күтуші үй иесінің зергерлік (алтын сырғалар, сақина және гауһар білезік) бұйымдарын жымқырып үлгерген. Үй, қожайындарының оралуын күткеннен кейін, ол лезде пәтерден шығып ізін суытқан.
Ұрлық фактісі бойынша тәртіп сақшылары қылмыстық іс қозғап, әйелдің бұрын жасалған осындай қылмыстарға қатыстылығын тексеріліп жатыр. Ол бұрын алаяқтық үшін сотталған болып шыққан.
Аптаның басты оқиғалары мен пайдалы видеоларды көру үшін YouTube арнамызға жазылыңыз
А. Жайыққызы