Астанада автобус жүргізушісінің жүрегі тоқтап қалды

Астанада автобус жүргізушісінің жолда жүрегі тоқтап қалған. Бұл ақпаратты CTS көлік компаниясы да растады, - деп хабарлайды Massaget.kz тілшісі.

Оқиғаның кадрлары әлеуметтік желіде пайда болды.

Посмотреть эту публикацию в Instagram

Публикация от Астана Сергек 24/7 (@astana_sergek)

CTS көлік компаниясының баспасөз қызметі оқиғаның 27 шілде күні сағат 10:20-да Бөгенбай батыр даңғылында, Бейбітшілік аялдамасына жақын жерде болғанын хабарлады.

"Бағыт бойынша келе жатқан 1961 жылы туған жүргізуші есінен танып, салдарынан жол шетіндегі  қоршау мен жарықтандыру бағанасына соғылып, кейін жаяу жүргіншілерге арналған жолға шығып кеткен. Жүргізуші ауруханаға жеткізілгенімен есін жимастан көз жұмды. 

Өлімнің негізгі себебі - жүректің тоқтап қалуы. Автобус жүргізушісінің 15 жылдық тәжірибесі болған. Жүргізуші демалыстан кейінгі 2-ші күні жұмысқа шықты. Жұмыс алдында сағат 05:54 те медициналық тексеруден өткен", - деді CTS көлік компаниясының баспасөз қызметі.

Оқиға салдарынан зардап шеккендер жоқ.

"Біз отбасы мен жақындарына шын жүректен көңіл айтамыз", - деді CTS көлік компаниясы.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!