Астанада әлеуметтік салаға 4,5 млрд теңге бөлінді
![Астанада әлеуметтік салаға 4,5 млрд теңге бөлінді](/userdata/news/news_41274/image_l.jpg)
Астанада мүмкіндігі шектеулі жандарға және халықтың әлеуметтік осал топтарына мемлекеттік қолдау көрсету бойынша жұмыстар белсенді жүргізіліп жатыр, деп хабарлайды елорда әкімдігінің баспасөз қызметі.
Биыл 100-ден астам адамға түрлі ақшалай төлемдер төленіп, нақты қызметтер көрсетілді, соның 71361-і - зейнеткер, 20265-і - мүмкіндігі шектеулін жан, 7406-сы - көп балалы отбасы, 4197 - көп балалы ана, 3000 - тұрмысы төмен отбасы. Бұл туралы қалалық Қоғамдық кеңес отырысы барысында Астана қаласының жұмыспен қамту, еңбек және әлеуметтік қорғау басқармасы басшысының орынбасары Артем Абильдинов мәлімдеді.
Үстіміздегі жылы әлеуметтік төлемдерге 4 млдр. 570 млн теңге бөлінді. Қаңтар-қыркүйек айларында жергілікті бюджет есебінен мүмкіндігі шектеулі жандарға, соның ішінде балаларға, зейнеткерлерге тегін қызмет көрсету және ақшалай төлем жасау түрінде 1 млрд 997 млн теңгеге әлеуметтік көмек көрсетілді.
Сонымен қатар, мүмкіндігі шектеулі жандардың проблемаларына назар аудару, мемлекет тарапынан қамқорлық көрсету мақсатында 2 қазанда ҚР Мүгедектер күні аталып өтіледі.
- Қалада мереке аясында мүмкіндігі шектеулі жандарға ерекше назар аудару дәстүрі қалыптасқан. Ұйымдар мен кәсіпорындар түрлі қайырымдылық шараларын өткізеді. Жыл сайын Мүгедектер күніне орай бес мың теңге мөлшерінде бір реттік материалдық көмек көрсетіледі. 2016 жылы 19 мыңнан астам адамға аталған көмекпен қамтылды, - деді Артем Абильдинов.
Қазіргі кезде елордада 20265 мүмкіндігі шектеулі жан тұрады, бұл жалпы қала халқының 2%. Жыл басынан бері 8000 астам адамға түрлі әлеуметтік қолдау көрсетілді. Қозғалыс жасауда қиындыққа тап болатын астаналықтар үшін 2010 жылдан бері инватакси қызметі жұмыс істеп келеді. Инватакси автопаркінде 18 машина бар. Айта кетейік, жыл басынан бері 1500 адам тасымалдау қызметін пайдаланған.
Сондай-ақ, қалада азаматтардың аталған санаттарына қызмет көрсететін орталықтар ашылған, деді А.Абильдинов.