Астанада алаяқ тұрғынды көлікті қайта рәсімдеуге көмектесемін деп алдаған

Елордада полиция қызметкерлері көлік алаяқтығына қатысы бар деген күдікпен 30 жастағы ер адамды анықтады, - деп хабарлайды Massaget.kz тілшісі.

Бұған дейін Есіл ауданының полиция басқармасына елорда тұрғыны жүгінген болатын, ол белгілі бір ер адам автокөлікті есепке қоюға көмектесуге уәде беріп, оның ақшасын алаяқтық жолмен иемденгенін хабарлаған. Жәбірленушінің айтуынша, ол сату туралы хабарландыруды "Колеса КЗ" қосымшасына орналастырған, содан кейін оған ер адам қоңырау шалып, көлікті сатып алу және тексеру сылтауымен кездесуге келіскен.

Келіссөздер барысында "сатып алушы" жарты миллион теңгеге автокөлікті қайта рәсімдеуге көмектесемін деген. Кепіл ретінде жәбірленуші алаяққа 215 мың теңге аударған. Алайда алаяқ уәделерін орындамаған және байланысқа үзген. Аталған факті бойынша қылмыстық іс қозғалды.

Полиция департаменті азаматтарға алаяқтардың құрбаны болмау үшін барлық қызметті мемлекеттік органдардан алу қажет екенін ескертеді.

Қызықты жаңалықтар мен видеоларды көру үшін TikTok арнамызға жазылыңыз!