Астанада алаяқ әйел ондаған адамды алдап кетті

Астанада алаяқ әйел ондаған адамды алдап кетті, – деп хабарлайды Massaget.kz тілшісі.

Жедел-іздестіру шаралары барысында Алматы ауданы ПБ криминалдық полиция қызметкерлері алаяқтық жасады деген күдікпен азаматшаны ұстады. Ол қала тұрғындарының ақшасын алдап иемденген 21 жастағы қыз болып шықты.

Алаяқ әлеуметтік желілерде ақша ұтысы туралы тартымды хабарландырулар орналастырған. Алайда ұтқан ақшаны алу үшін адамдар сол сомадан 10-20 пайыз көлемінде қаражат төлеуі қажет болған. Жергілікті тұрғындар көрсетілген нөмірлерге ақша жібергеннен кейін, алаяқ оларды бұғаттап тастаған.

Ұсталған әйел өз кінәсін мойындады. Алаяқтық фактісі бойынша алдын ала тергеу жұмыстары жүргізіліп жатыр. Күдіктінің осыған ұқсас 10 оқиғаға қатысы бар екендігі анықталды.

Полиция азаматтарды түрлі тақырыптағы конкурстар, сауалнамалар және дауыс берулер түрінде таратылатын күмәнді сілтемелерге өтпеуді және жеке деректерін енгізбеуді сұрайды.

Instagram парақшамызға жазылып, ең қызықты ақпараттарды бірінші болып оқыңыз!