Астанада ақылы тұрақ операторына айыппұл салынды

Астананың ақылы тұрақ операторына салыққа қатысты айла-шарғы жасағаны үшін айыппұл салынды. Сот Алматыда өтті, - деп хабарлайды Massaget.kz тілшісі Bes.media-ға сілтеме жасап.

"Астананың тұрақ кеңістігі" ЖШС-нің корпоративтік табыс салығы бойынша төлемдерді үш жыл бойы төмендетіп отырғаны белгілі болды.

Мәселе неден шықты?

Астананың ақылы тұрақ операторы "Астананың тұрақ кеңістігі" ЖШС-не жалпы сомасы 18,5 млн теңгеден асатын корпоративтік табыс салығы (КТС) бойынша төлемдерді төмендеткені үшін 3,7 млн теңгеге айыппұл салды.

Толығырақ тоқталсақ

Алматының әкімшілік құқықбұзушылықтар жөніндегі мамандандырылған ауданаралық соты оператордың үш жыл бойы КТС бойынша деректерді төмендеткенін анықтады:

• 2020 жылы – 5,7 млн теңге;
• 2021 жылы – 5,9 млн теңге;
• 2022 жылы – 6,9 млн теңге.

Сот шешімі 

Астананың ақылы тұрақ операторы келтірілген деректерді жоққа шығарып, іс бойынша өндірісті тоқтатуды талап етті, бірақ сот оның дәлелдерін жосықсыз деп санады.

"Сот отырысында зерттелген дәлелдемелердің жиынтығы "Астананың тұрақ кеңістігі" ЖШС-нің ҚР қолданыстағы салық заңнамасының талаптарын бұзғанын және оның ӘҚБтК-нің 278-бабының 1-бөлігінде көзделген әкімшілік құқықбұзушылық жасағанын растайды", – делінген қаулыда.

Іс материалдарына сәйкес, Алматы МКД "Астананың тұрақ кеңістігі" ЖШС-де салықтық тексеруден кейін КТС-ның төмендегенін анықтап, акт жасап, бұл туралы ұйымға хабарлама жіберді. Осыған байланысты Компания Қаржы министрлігіне шағым түсіріп, тексеру нәтижелерін жоюды талап етті.

Астананың ақылы тұрақ операторы заңды түрде Алматыда тіркелген.
Сондықтан компания қызметінің оларда көрсетілмейтініне, серіктесінен салық аударымдарын алмайтынына қарамастан, барлық салықтарды Алматы бюджетіне, елорда бюджетіне төлейді.

Айта кетейік, "Астананың тұрақ кеңістігі" ЖШС – 2015 жылы құрылған Алматыдағы жеке компания. Мемлекеттік-жекешелік әріптестік шарты бойынша Астананың тұрақтарына қызмет көрсетеді. 2023 жылғы 17 қарашадағы жағдай бойынша, Астана тұрғындары мен қонақтары компанияға тұрақ үшін 200 млн теңгеден астам ақша төлеген. Елордада 7 300 ақылы тұрақ орны жұмыс істейді. Астанада МЖӘ шартына сәйкес жұмыс істейтін ақылы тұрақ саны шектеулі, 10 мыңнан аспайды. Ақылы тұрақ жүйесі іске қосылғаннан бері барлығы 450 млн теңге жиналған. Жүргізушілер тұраққа сағатына 100 теңге төлейді.

kompra.kz деректері бойынша, компанияның салық аударымдары жылына 15 млн теңгеге жуық қаржыны құрайды. Бірінші басшы және құрылтайшы –Шыңғыс Досыбаев. Бірақ, бірқатар БАҚ-тың мәліметінше, 2016 жылы компанияның иесі бұрынғы қорғаныс министрі Әділбек Жақсыбековтің жиені Арман Батпенов болған.

2019 жылы ұйым сотқа шағым беру арқылы өзін банкрот деп тануға тырысты. Бірақ компанияның шоттары мен шарттары туралы барлық деректерді алған соң Астананың МАЭС-ы оны қараусыз қалдыруға шешім қабылдады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!