Астанада 7 жыл бойы жоқ мектеп қызметкерлері арқылы жалақы алып жүрген есепшілер сотталды
![Астанада 7 жыл бойы жоқ мектеп қызметкерлері арқылы жалақы алып жүрген есепшілер сотталды](/userdata/news/news_106379/image_l.jpg)
Фото:
©️ Tengrinews.kz / Турар Казангапов
Астана прокуратурасы тексеру қорытындысы бойынша мектептердің бірінде бюджет қаражатын жымқыру фактілерін анықтады, - деп хабарлайды Massaget.kz тілшісі Астана қаласының прокуратурасына сілтеме жасап.
Ведомство мәліметінше, 7 жыл бойы жоқ мектеп қызметкерлеріне жалақы мен сыйақылар заңсыз аударылған.
Мемлекетке келтірілген шығынның жалпы сомасы 130 миллион теңгеден астам. Тергеу барысында мектеп қызметкерлері өз кінәларын толық мойындады.
Сот үкімімен кінәлілер 7 жылға бас бостандығынан айыру жазасына сотталды.
Мемлекет пайдасына келтірілген материалдық шығын сотталғандардан өндірілді.
Үкім заңды күшіне енді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина