Астанада 4-қабатта ілініп тұрған баланы құтқарған оқушыға 1 миллион теңге берілді
![Астанада 4-қабатта ілініп тұрған баланы құтқарған оқушыға 1 миллион теңге берілді](/userdata/news/news_107768/image_l.jpg)
Астанада 4-қабатта ілініп тұрған баланы құтқарған оқушыға планшет пен 1 миллион теңге берілді, - деп хабарлайды Massaget.kz тілшісі.
7-сынып оқушысы Ақан Әкімжановпен және оның ата-анасымен Астана әкімі Жеңіс Қасымбек кездескен.
"Ақан өзінің жылдамдығымен және батылдығымен ықтимал қайғылы жағдайдың алдын алды. 7-сынып оқушысы 4-қабатта ілініп тұрған кішкентай бүлдіршінді құтқарып қалды.
Ақанның ата-анасына ержүрек ұл өсіріп, лайықты тәрбие бергені үшін алғысымды білдіремін! Ақан сол сияқты оқуда да, спортта да жетістіктерге жетіп жүр! Мұғалімдері мен сыныптастары ол туралы адал дос, саналы және жауапкершілігі мол оқушы деген пікірде!", - дейді әкім.
Посмотреть эту публикацию в Instagram
Ақанға планшет пен бір миллион теңге сыйға берілді. Жеңіс Қасымбек болашақта колледжге немесе университетке түсу кезінде де көмек көрсетілетінін айтты.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина