Канадалық профессор, тарихшы, Кембридж университетінің докторы, құпия қоғамдардың архитектурасы бойынша белгілі сарапшы, өз елінде Канадалық Дэн Браун деп танылып кеткен Фрэнк Альбо2017 жылы мамыр айындаАстана: сәулет, аңыз және тағдыр атты кітабын жариялады. Бұл еңбек кейінamazon.comинтернет-дүкеніндегі кітаптар сатылымы бойынша, рейтингте үздіктер қатарында болды.Енді автор өз кітабын оқып, жасырылған жұмбақтарды шеше алған адамға 30 000 доллар көлемінде сыйақы бермекші. Фрэнк Альбо елордамыз туралы білімімізді арттырып, руxани жағынан байытып қана қоймай, ақша ұтып алуға да мүмкіндік беріп отыр. Автор халыққа жолдаған видеоүндеуінде кітапты жазу үшін төрт жыл уақытын сарп еткенін айтады. Астанаға жиі-жиі келіп, әр келген сайын қаланың ерекшеліктерін зерттегенін баяндайды. Оның айтуынша, елорданы жақсы білетін, тарихымен таныс кез келген адамның кітаптағы жұмбақты шешуге мүмкіндігі бар. Кэмбридж тарихшысы Фрэнк Альбо сәулет өнерінің танымал сарапшысы. Алты бөлімнен тұратын оның кітабы елорданың бас жоспарынан сыр шертіп, қала сәулетіндегі негізгі ерекшеліктерді суреттейді. Астананың ғимараттарын әлемнің танымал нысандарымен салыстырған автор оқырмандарға Қазақстанның бас қаласы қысқа уақыттың ішінде өзіндік қайталанбас қолтаңбаға ие болғанын жазады. Кітаптың Қаһарман атты үшінші бөлімінде Альбо Елбасы Н.Ә.Назарбаевтың елорданың бой көтеруі мен оның сәулетіне қосқан үлесін, жасампаз бастамалары жайлы жазып, Қазақстан таңдаған ядролық қарусыз жолын әлем қолдағанын ерекше атап өтеді. Автордың өзінің жеке сайтында жазған пікіріне сүйенсек, Астана: сәулет, аңыз және тағдыр кітабы Канаданың бестселлеріне айналып, туындының алғашқы 4500 данасы бірден таратылып кеткен. Канада тарихшысының кітабында ұсынылған ғимараттар қатарында Елбасы кітапханасы орналасқан Назарбаев орталығы да бар. Ол туралы автор: Ғылым, мәдениет, саясат және экономика салаларындағы халықаралық ынтымақтастық мәселелерін ілгерілетуге арналған гуманитарлық және білім беру мекемесі ұлттық патриотизм мен азаматтық біртектілікті нығайту мақсатында құрылған. Қазақ мемлекеттілігі мен этнографиясының тарихын ескерсек, әлемдік қауымдастықтан Қазақстанның алар орнын көрсетуде бұл мекеме маңызды халықаралық рөл атқарады. Өзгелерге қарағанда бұл ғимарат ұлтаралық келісім мен тұрақты дамудың жиынтығы, жалпы ұлттық рух пен оны әлемге танытудың озық үлгісі деп жазады.