Астана Білім басқармасы үйінде соққы көрген оқушы қыздың оқиғасына қатысты пікір білдірді

Астана Білім басқармасы бұған дейін Бала құқықтары жөніндегі уәкіл Динара Зәкиева мәлімдеген жеті жасар оқушы қызды оқиғасына қатысты пікір білдірді. Ол оқушының үйіндегі ұрып-соғулар туралы мәлімдеген болатын, - деп хабарлайды Massaget.kz тілшісі.

Ведомство мәліметінше, 23 қарашада №37 орта мектепте сабаққа келген оқушыларының бірінің қолы мен бетінде соққы белгілері болған. Мұғаліммен бірден №2 көпсалалы қалалық балалар ауруханасына жеткізілді. Қызға қажетті медициналық көмек көрсетілген. Оқиға туралы құқық қорғау органдарына хабарланғаны айтылды.

Оқушының айтуынша, оны жақын туыстары бірнеше рет ұрып-соққан. Басқаларға бұл туралы айтуға қорыққан. Ол үйге қайтқысы келмейді. Жағдай Білім басқармасының бақылауына алынды. Отбасында жеті бала бар.

Еске салайық, бұған дейін Астанада жеті жасар қыз үйіндегі үнемі ұрып-соғу салдарынан ауруханаға түскені хабарланған болатын. Бұл туралы Бала құқықтары жөніндегі уәкіл Динара Зәкиева Instagram-парақшасында мәлім етті.

Қызықты жаңалықтар мен видеоларды көру үшін TikTok арнамызға жазылыңыз!