“Астана Арена“ халықаралық матчтарды қабылдауға дайын ба?

"Астана" командасы мен Қазақстан ұлттық құрамасы өткен жылы ойындарын Алматыда өткізді. "Астана Аренада" өзге іс-шаралар ұйымдастырылып, кейіннен қайта жөндеу үшін жабылды. Қазір құрылыс жұмыстары аяқталып, халықаралық матчтарға қабылдауға мүмкіндік алды, - деп жазады massaget.kz. 

Құрылыс жұмыстарының аяқталып, халықаралық ойындарды өткізуге рұқсат алғаны жайлы елордалық мәслихат төрағасы Ерлан Қаналимов хабарлады. 

Посмотреть эту публикацию в Instagram

Публикация от Ерлан Каналимов (@kanalimov)

"Астана Арена" стадионы реконструкциядан кейін халықаралық матчтарды өткізуге дайын. Қазіргі таңда UEFA талаптары мен ұсыныстарын ескере отырып, барлық құрылыс-монтаж жұмыстары аяқталды. Атап айтқанда, ескі жабындылар, алаңды жылыту және суару жүйелері толығымен ауыстырылып, сондай-ақ жасанды газон жаңартылды. Өткен жылдың желтоқсан айында футбол алаңы UEFA стандарттарына сәйкес сертификаттаудан өтіп, халықаралық сертификатқа ие болды, - деп жазды. 

Сонымен қатар "Қазақстан" спорт сарайын да қайта жаңғырту жұмыстары басталғанын мәлім етті.