Астана, Алматы және 11 қала тұрғындарына ескерту жасалды

"Қазгидромет" Астана, Алматы және Қазақстанның тағы 11 қала тұрғындарына ескерту жасады, - деп хабарлайды Massaget.kz тілшісі.

"2024 жылғы 28 қарашада Алматы, Астана, Шымкент, Ақтөбе, Өскемен, Семей, Риддер, Қарағанды, Теміртау, Павлодар, Көкшетау, Қостанай және Петропавл қалаларында ауа ластанып, метеорологиялық жағдай қолайсыз болады", - делінген хабарламада.

Қолайсыз ауа райы - атмосфералық ауаның беткі қабатында зиянды (ластаушы) заттардың жиналуына ықпал ететін қысқамерзімді метеорологиялық факторлардың (тымық, екпіні аз жел, тұман, инверсия) жиынтығы. Олар ауаның жер қабатында зиянды ластаушы заттардың жиналуына ықпал етеді. 

Бұған дейін синоптиктер 13 өңірде ауа райына байланысты ескерту жасаған еді.

Instagram парақшамызға жазылып, ең қызықты ақпараттарды бірінші болып оқыңыз!