Астана әкімдігінің басқарма басшысы ұсталды
![Астана әкімдігінің басқарма басшысы ұсталды](/userdata/news/news_94551/image_l.jpg)
Астананың отын-энергетика кешені және коммуналдық шаруашылық басқармасының басшысы ұсталды, - деп хабарлайды Massaget.kz тілшісі.
Мұны Антикордың баспасөз қызметі растады.
"Астана бойынша сыбайлас жемқорлыққа қарсы қызмет отын-энергетика кешені және коммуналдық шаруашылық басқармасы басшысының қылмыстық әрекетінің жолын кесті. Сот санкциясымен күдікті қамауға алынды", - делінген Антикордың баспасөз қызметі таратқан хабарламада.
Астана сотының баспасөз қызметі 2023 жылғы 11 қарашада қаланың мамандандырылған ауданаралық тергеу соты күдіктінің үстінен екі ай мерзімге қамауға алу түріндегі бұлтартпау шарасын санкциялағанын хабарлады.
Сыбайлас жемқорлыққа қарсы іс-қимыл агенттігінің баспасөз қызметі алдағы уақытта брифингінде бұл факті бойынша толығырақ ақпарат беруге уәде беріп отыр. Ол 15 қарашаға жоспарланған.
Айта кетейік, Астана Отын-энергетика кешені және коммуналдық шаруашылық басқармасының сайтында басқарма басшысы болып Марсель Ұзақов екені көрсетілген.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан