Әскерге шақырылғандар қандай тексерулерден өтеді? ДСМ өзгерістер туралы айтты

Денсаулық сақтау министрлігі әскерге шақырылғандарды тексеруге қатысты өзгерістер туралы хабарлады, - деп хабарлайды Massaget.kz тілшісі.

Ведомствоның Тengrinews.kz сұрауына берген жауапқа сәйкес кейінгі жылдары әскерге шақырылғандарды міндетті тексеру көлеміне қосымша тексерулер қосылған: эхокардиография, іш қуысын ультрадыбыстық зерттеу, бүйректі ультрадыбыстық зерттеу.

Осылайша, әскерге шақырылғандар мына міндетті тексерулерден өтеді:

• жалпы қан анализі;
• зәр анализі;
• кеуде мүшелерін флюорографиялық зерттеу; 
• электрокардиографиялық зерттеулер;
• мерезге (сифилис) микропреципитация зерттеулері реакциясын талдау;
• бүйректі ультрадыбыстық зерттеу; 
• бауыр, көкбауыр, ұйқы безін ультрадыбыстық зерттеу;
• АИТВ (ЖИТС) инфекциясына қан анализі.

"Бұдан басқа медициналық көрсеткіштер бойынша қосымша тексеру қажет болған жағдайда Қазақстан Республикасы Денсаулық сақтау министрлігінің нормативтік-құқықтық актілеріне сәйкес консультациялық-диагностикалық қызметтер көрсетіледі", - деп толықтырды Денсаулық сақтау министрлігі.

Қызықты жаңалықтар мен видеоларды көру үшін TikTok арнамызға жазылыңыз!