Асқарбек Ертаев лауазымын сақтап қалды, - деп хабарлайды Massaget.kz тілшісі.
"Мемлекет басшысының жарлығымен Асқарбек Маратұлы Ертаев Қазақстан Республикасының еңбек және халықты әлеуметтік қорғау министрі лауазымына тағайындалды", - деп жазылған хабарламада.
Ол 1977 жылы Ақтөбе қаласында дүниеге келген. Қ.Жұбанов атындағы Ақтөбе мемлекеттік университетін, "Нұр" Ақтөбе менеджмент, бизнес және құқық институтын бітірген.
Еңбек жолын 1997 жылы Ақтөбе облысы Мұғалжар ауданы әкімі аппаратында маман болып бастаған.
2000-2014 жылдары банк секторында жұмыс істеді.
2014 жылы - Экономика және бюджеттік жоспарлау министрлігі Сауда комитеті бас сарапшысының м.а.
2014-2021 жж. - Ұлттық экономика министрлігінің бас сарапшысы, басқарма басшысы, департамент директорының орынбасары, департамент директоры.
2021-2022 жж. - Президент әкімшілігі Қауіпсіздік кеңесінің талдау бөлімінде сектор меңгерушісі.
2022-2023 жж. - премьер-министрі кеңсесінің, Үкімет аппаратының экономикалық бөлімінің меңгерушісі.
2023-2024 жж. - Еңбек және халықты әлеуметтік қорғау министрлігі Көші-қон комитетінің төрағасы.
2024-2025 жж. - еңбек және халықты әлеуметтік қорғау вице-министрі.
2025 жылғы 9 маусымнан бастап еңбек және халықты әлеуметтік қорғау бірінші вице-министрі болды.
Instagram парақшамызға жазылып, ең қызықты ақпараттарды бірінші болып оқыңыз!