"АрселорМиттал Теміртауға" тағы айыппұл салынады

"АрселорМиттал Теміртаудағы" №2 жылу электр орталығына жылу беру маусымына дайындығы туралы паспорты берілмеді, - деп хабарлайды Massaget.kz тілшісі Қарағанды ​​облысы бойынша энергетикалық қадағалау басқармасы.

№4 және 5 қазандықтарды күрделі және орташа жөндеу кестесі бұзылған. Ал №1 қазандықты жөндеу жұмыстарының сметасында тот баспайтын болаттан емес, қара металдан жасалған таза газ құбырын орнату қарастырылған.

"Смета бойынша жаңа құйындылар мен бұрағыштарды орнату көзделген, бірақ компания 16 жылдан аса жұмыс істеп тұрған және ақауы бар қолданыстағы қондырғыларды пайдалану туралы шешім қабылдаған. №5 қазандықты жөндеу жұмыстарының сметасында 12 дана коллекторларды толық ауыстыру көзделгеніне қарамастан, компания оларды өзгертпей, тек тазалап және жөндеумен шектелу туралы шешім қабылдаған. №3 қазандығынан түтін құбырына дейін газ құбырын жылу оқшаулау бойынша жұмыстары, қазандық цехының шатырын жөндеу бойынша жұмыстар аяқталмаған", - делінген хабарламада.

Сондай-ақ, компания тарапынан статор орамасын ауыстыру үшін өнім берушімен шарт жасасу рәсімдерінің ұзақ болуына байланысты биыл күзгі-қысқы кезеңде №3 турбогенератор жұмысқа енгізілмеу қаупі жоғары.

ЖЭО-2 әкімшілік құқықбұзушылық туралы кодекстің 301-бабының негізінде "АрселорМиттал Теміртау" АҚ 1 миллион теңге сомасына айыппұл түрінде әкімшілік жауапкершілікке тартылатын болады.

Сондай-ақ штаттан тыс жағдайлардың туындау алғышарттарын болдырмау үшін "АрселорМиттал Теміртау" АҚ ЖЭО-2 жылыту маусымының өтуі аумақтық департаменттің ерекше бақылауына алынатын болады.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!