Әлеуметтік желілерде шыққан жарнамада әрбір қазақстандыққа 100 мың теңге және одан артық мөлшерде "мемлекеттен көмек" берілетіні айтылған. Бұл фейк, - деп хабарлайды Massaget.kz тілшісі Stopfake.kz сайтына сілтеме жасап.
Хабарлама авторларының айтуынша, бұл өтемақылар бұрын төленген қаражатты қайтару болып табылады. Әрбір қазақстандық өтемақы ала алатыны туралы тараған ақпаратқа сенбеген жөн. Мұндай төлемдер туралы ақпарат ҚР мемлекеттік органдарының ресми сайттарында да, БАҚ-та да жоқ.
Мұндай жарнамаларда көбінесе сайтқа апаратын сілтемелер беріледі, онда пайдаланушыларға "ақшаны қайтаруға" өтініш қалдыру ұсынылады. Өтінімді толтырған кезде жеке ақпарат пен өтемақыны аударатын банк картасының деректерін көрсету сұралады.
Бұл Желіде алдау үшін қолданылатын бұрыннан белгілі ескі алаяқтық схема. Әр түрлі елдерде, соның ішінде Қазақстанда, Ресейде және Беларусь елінде алаяқтар пайдаланушылардың ақшасын иемдену мақсатында "мемлекеттен төлемдер жасалады" деп бұған дейін де айтқан болатын.
Қызықты жаңалықтар мен видеоларды көру үшін TikTok арнамызға жазылыңыз!