Астанада заңсыз жұмыс істеген цехтан 180 қап ет тәркіленді, - деп хабарлайды Massaget.kz тілшісі.
Полиция жасырын ет өңдейтін цехты анықтады. Тергеу барысында ет өрескел антисанитария жағдайында, ветеринария-санитария талаптарын сақтамай өңделгені белгілі болды.
Сондай-ақ, ұйымдастырушыларда рұқсат құжаттары мен ветеринария анықтамалары болмаған.
"Тексеріс нәтижесінде 5 жылқының, 24 ірі қараның және 13 ұсақ малдың тұтас еті, сондай-ақ, ет өңдеуге арналған арнайы құрал-жабдықтар табылды. Бұған қоса, 180 қап дайын ет өнімі тәркіленді", - деді ІІМ өкілі.
Қызықты жаңалықтар мен видеоларды көру үшін TikTok арнамызға жазылыңыз!