Қазақстандық Анастасия Городко фристайл-могулдан Алматыда өтіп жатқан жасөспірімдер арасындағы әлем чемпионатында алтын медаль жеңіп алды, - деп хабарлайды massaget.kz.
Бүгін паралелльді могул сайысында сынға түскен отандасымыз алтын жүлдеге қол жеткізді. Шешуші сында Анастасия Городко америкалық Риз Чапделайнді жеңді. Қола жүлдеге Эбби Макларнон (АҚШ) ие болды.
Паралелльді могул сайысы бойынша 11 елден 23 спортшы қатысты.
Бұған қоса, бір күн бұрын Анастасия жекелей жарыста күміс медаль жеңіп алған еді.
Айта кетейік, 2022 жылғы әлем чемпионатында Городко үш жүлде иеленді: параллельді могулда жеңіске жетіп, жекелей есепте және аралас командалық сында екінші орын алды. Сондай-ақ 2024 жылғы әлем чемпионатында ол могул бойынша бірінші, ал параллельді могулда екінші орын алған еді.