Аналарымен бірге босанғысы келеді: жүкті әйел серіктес таңдарда нені ескеруі керек?
![Аналарымен бірге босанғысы келеді: жүкті әйел серіктес таңдарда нені ескеруі керек?](/userdata/news/news_88883/image_l.jpg)
Қазақстанда серіктестік босану сәннен бөлек, әдеттегі практикаға айналды. Әйелдер босанған кезде қолдау қаншалық маңызды екенін түсініп, қасына көмек көрсетуге дайын адамды ертіп кіре алады. Бұл жағдайда жүкті әйелді маңызды факторларды естен шығармау қажет, - деп хабарлайды Massaget.kz тілшісі Денсаулық сақтау министрлігнің баспасөз қызметіне сілтеме жасап.
Қазақстанда акушерлік-гинекологиялық көмек көрсету стандарты бар. Осы стандартқа сәйкес босану бөлімшесінде жағдайлар болған кезде өздігінен босана алатын жүкті әйел жеке бөлек босану палатасына жатқызылуы мүмкін. Жүкті әйелге инфекциялық аурумен ауырмайтын, таза киіммен және артық аяқкиіммен серіктес (отбасы мүшесі немесе жақын адам) жіберіледі.
ДДСҰ зерттеулеріне сәйкес, босану кезінде серіктестің болуы ананың да, баланың да денсаулығына жағымды әсер етеді екен. Әйел босану процесіне оңай төзеді, өзін тыныш және еркін сезінеді, ал босану процесі жеңіл болады.
"Қазақстанда статистикаға сәйкес әйелдер көбіне аналарымен босанғысы келеді. Босану кезінде практикалық көмек те, психологиялық қолдау да маңызды. Әрине, егер әйел босануға жалғыз келсе, онда ол көмексіз қалмайды. Оның жанында міндетті түрде тәжірибелі акушер болады, ол ауырсынуды жеңілдету үшін тыныс алу әдістері туралы айтады, қажет болған жағдайда әйелге босану боксында қозғалуға көмектеседі, су әкеледі және массаж жасайды", - делінген ведомство хабарламасында.
Алайда көптеген адам үшін жақын адамның қолдауын сезіну маңызды. Серіктестік босану туралы шешім қабылдау бірлескен, ерікті және саналы болуы керек. Жүкті әйелге серіктес болу қалай жүзеге асырылады?
- Босану кезінде серіктестің болу форматы босанған әйелмен алдын ала, босану жоспарын құру кезінде келісіледі.
- Әйел дәрігермен жақын адамының бүкіл босану кезінде немесе, мысалы, тек босану кезінде онымен бірге болғанын қалайтынын талқылайды.
Әйел босанған кезінде серіктес не істей алады?
- Толғақтың ұзақтығын және олардың арасындағы уақыт аралығын өлшеу;
- Босанған әйелдің қолын ұстау, су беру, терді сүрту, әйелге босану кезінде дұрыс дем алуға және босану позаларын қабылдауға көмектесу, ауырсынуды басатын және босаңсытатын массаж жасау, дәретханаға немесе душқа апару, қажет болған жағдайда дәрігерді шақыру, психологиялық қолдау көрсету.
Туғаннан кейін бірден нәрестені анасының ішіне жатқызады, жылы көрпе жабады, балаға жылы қалпақ кигізеді, өмірдің бірінші сағатында теріге жанастырады, содан кейін серіктестің қалауы бойынша ол баланы қолына ала алады. Егер босану асқынусыз өтсе, серіктес анасы мен баласын палатаға ертіп баруы мүмкін.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова