Әлеуметтік медициналық сақтандыру қорының басқарма төрағасы Әбілқайыр Сқақов жалақысы қанша екенін айтты, - деп хабарлайды Massaget.kz тілшісі.
"Жалақыма тоқталайын. Қолға 1 млн 400 мың теңге аламын", - деді Әбілқайыр Сқақов.
Басқарма төрағасының сөзіне сенсек, орынбасарлары қомақты сыйақы алмайды.
"Қордың басқарма құрамында 5 адам бар. Соңғы 3 жылда олар бонус алмады. Бұрын алмаған, қазір де алмайды. Мен және орынбасарларым бір жыл ішінде жалпы 600-700 мың теңге көлемінде ғана сыйақы алдық. Директорлар кеңесінің шешімімен (сыйақы мөлшері) шектелген. Ұжым алатын сыйақы қызметкерлердің KPI-мен бекітілген", - деді қордың төрағасы.
Instagram парақшамызға жазылып, ең қызықты ақпараттарды бірінші болып оқыңыз!