АМӨЗ зауыт үстіндегі “қара бұлтқа“ қатысты түсінік берді

Әлеуметтік желіде Атырау мұнай өңдеу зауытының үстін "қара бұлт" бүркеген фотосуреттер тарап жатыр. Компания бұған қатысты түсінік берді, - деп хабарлайды Massaget.kz тілшісі.

Атырау мұнай өңдеу зауытының мәліметінше, фотода каталитикалық крекинг қондырғысында түтін газдарының ластаушы заттардан тазартылуын қамтамасыз ететін Belco секциясының скрубберінен шығып жатқан су буы көрсетілген.

"Пайда болған "бұлт" тұрғындардың денсаулығына және қоршаған ортаға кері әсерін тигізбейді. Атырау мұнай өңдеу зауыты штаттық режимде жұмыс істеп тұр", - делінген кәсіпорынның баспасөз қызметі таратқан мәлімдемеде.

Айта кетейік, бұған дейін "Қазгидромет" синоптиктері 6 қаңтарда Павлодар, Қарағанды, Жезқазған, Балқаш, Теміртау, Өскемен, Семей, Риддер, Атырау, Алматы қалаларында ауа лас болатынын болжаған еді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!