АМӨЗ-де апат болып, Атыраудың жартысы жарықсыз қалды

Фото: t.me/Petro_council

03 шілде 2023, 20:12

Атырау мұнай өңдеу зауыты апатқа байланысты тоқтап қалды, - деп хабарлайды Massaget.kz тілшісі.

Қазақстанның мұнай-газ кеңесі мәліметінше, Астана уақыты бойынша Атырауда сағат 18:25-те "Атырау мұнай өңдеу зауыты" ЖШС аумағында сыртқы желілер тарапынан электр энергиясында апат шыққан. Нәтижесінде ЭЛОУ-АТ-2 қондырғысын қоспағанда, зауыттың технологиялық қондырғылары тоқтап қалған. Шамамен 18:47-де зауыттың электр желілері толығымен өшірілген.

Сағат 19:20-дағы бойынша жарық әлі берілмеген.

Зардап шеккендер мен құрбандар жоқ.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Ж. Қадыржанова