Астанадағы мамандандырылған ауданаралық экономикалық сотқа спорттық киім мен аяқкиім өндіретін америкалық New Balance Athletics, Inc. ("Нью Бэланс") компаниясы жүгінді. Америкалық тарап тауар таңбасын заңсыз пайдалану бойынша өтемақы өндіру туралы талап-арыз берген, - деп хабарлайды Massaget.kz тілшісі.
Сот мәліметінше, тараптар сотта медиациялық келісімге келген.
"Қол қойылған келісімге сәйкес жауапкер 200 000 теңге көлемінде өтемақы төлеуге және талапкер New Balance-тің тауар таңбасы бейнеленген тауарларды жоюға міндеттелді", – деді сот өкілдері.
Сот ұйғарымы заңды күшіне енді, азаматтық іс жүргізу тоқтатылды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!