Алтай Көлгінов жаңа қызметке тағайындалды

Алтай Көлгінов Премьер-министрдің орынбасары болып тағайындалды, - деп хабарлайды Massaget.kz тілшісі Ақордаға сілтеме жасап. 

"Мемлекет басшысының Жарлығымен Алтай Сейдірұлы Көлгінов Қазақстан Республикасы Премьер-министрінің орынбасары лауазымына тағайындалды", - делінген хабарламада. 

Еске салайық, кеше, 8 желтоқсанда Алтай Көлгінов Астана әкімі қызметінен босатылған болатын. 

Алтай Көлгінов 2000-2001 жылы Қазақстан Республикасының Қарулы Күштерінде қызмет еткен.

2001-2008 жылдары Әділет министрлігі, Мемлекеттік қызмет істері агенттігі және Бас прокуратура органдарында қызмет атқарады.

2008-2010 жылдары - "АлашМедиа Групп" ЖШС бас директорының орынбасары.

2010-2012 жылдары Президент Әкімшілігінің аймақтық-ұйымдастыру және мемлекеттік бақылау жұмыстары бөлімінің мемлекеттік инспекторы.

2012-2013 жылдары Батыс Қазақстан облысы әкімінің орынбасары.

2013 жылдың 4 сәуірінен Орал қаласының әкімі.

2016 жылдың 26 наурызынан Батыс Қазақстан облысының әкімі.

2019 жылдың 13 маусымнан бастап Президент Қасым-Жомарт Кемелұлы Тоқаевтың жарлығымен Астана қаласының әкімі болған. 

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!