Алматының орталығында супермаркетке жапсарлас салынған қосымша құрылыс сот шешімімен бұзылды, - деп хабарлайды Massaget.kz тілшісі.
Қала әкімдігі мәліметінше, Сейфуллин даңғылы 510А мекенжайындағы Spar супермаркетіне жапсарлас салынған нысан бұзылған.
Бұған дейін жоспардан тыс тексеріс барысында "КБЕ групп" ЖШС-ға құрылысқа қажет рұқсат құжаттары болмауына байланысты әкімшілік шаралар қолданылып, анықталған заңбұзушылықтарды жою туралы нұсқау берілген.
Тексеріс нәтижесінде нұсқау орындалмауына байланысты тиісті материалдар сотқа жолданған. Мамандандырылған ауданаралық экономикалық сот талап-арызды толық көлемде қанағаттандырды.
Сот шешімін орындау мақсатында нысанды иесі өзі бұзған.
Сурет: Алматы әкімдігі
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова