Алматының жол көрсеткішін жаса да, ақшалай сыйлық ұтып ал!

 

Қалада балалармен немен айналысуға болады, қай веложолақтармен жүрген жөн, жастар қайда көңіл көтереді, қаланың түнгі көрінісін тамашалауға ең қолайлы жер қайда — осының бәрі Сіздің Алматы бойынша жасаған гайдыңызда. 

 

Білгеніңізді бөлісіңіз, жарқын әрі белсенді өмір салтына идея ұсыныңыз! 

 

Сіздің міндетіңіз — авторлық материал дайындау. Ең басты шарт — бір қарағаннан Сіз жасаған гайдты не нәрсеге қолдану керектігі түсінікті болсын. Яғни, материал бірер мазмұнмен толтырылуы тиіс. Егер қалаңыз саяхатшыға несімен қызық екенін білмесеңіз, гайдты жасау қиынға соқса, тұтас нұсқаулық жасауға асықпай, алдымен мұнда алғаш келген адам үшін не қызықты болуы мүмкін екенін анықтап көріңіз.

Байқауға қатысу үшін жасына немесе тұрғылықты мекенжайынан тыс, ешқандай шектеусіз кез келген адам қатыса алады. 2018 жылғы 9 желтоқсан күні 23:59-ға дейін өзіңіз құрастырған төл жол көрсеткішіңізді кез келген мәтін форматында (doc, docx, txt, rtf) мына электрондық поштаға жіберіңіз: pr@visitalmaty.kz

 

Өзіңіз сипаттамақ болып отырған жерлерде қызықты не бар екенін, несімен ерекше және неліктен бару керек екендігін ашып көрсетуге тырысыңыз. Жұмыс кестесі, мекенжайлары және байланыс ақпаратын көрсетуді де ұмытпаңыз: бұл Сіз үшін маңызды болмауы мүмкін, бірақ қалаға алғаш қадам басып тұрғандар бағдарын түзеуі үшін ол өте маңызды. Көрікті жерлер кем дегенде үшеу болсын әрі ең басты, өзгеше орындарды таңдаңыз.

 

Мектеп музейі немесе тастанды ғимараттар ешкімді де қызықтыра қоймас, ал қандай да бір өнер туындысына айналған жерлер, әсіресе онда сирек кездесетін экспонаттар (атын атап, түсін түстеңіз) болса, саяхатшының назарын аударатыны анық. Мәселен, көлік жуатын орындарды жазудың мүлде қажеті жоқ, ал қалғандарын қаншалықты ерекше, қала тұрғындары және қонақтар үшін қаншалықты қызықты немесе пайдалы екендігіне қарай таңдаңыз. Ондаған нысандардың аты тізілген мақалаңызды жол көрсеткіш деп атауға әлі асықпаңыз. Барлық маңызды көрікті орындар, олардың салынған уақыты, несімен және неліктен қызықты екені туралы жазған жөн. 

 

Жеңімпаздар 2018 жылғы 14 желтоқсанда жарияланады. Сыйлыққа — 100 000, 70 000 немесе 50 000 теңге!

 

Өз қалаңызға саяхатшының көзімен қарауға әрекет етіңіз. Алға!