Алматының бір ауданында уақытша суық су болмайды

Алматының Әуезов ауданындағы бірнеше үйде бір күнге суық су өшіріледі, - деп хабарлайды Massaget.kz тілшісі әкімдіктің баспасөз қызметіне сілтеме жасап.

Әуезов ауданындағы бірнеше тұрғын үйде технологиялық жабдықтарды ауыстыру кезіндегі өндірістік қажеттілікке байланысты бір күнге суық су өшіріледі.

12 қыркүйекте сағат 8:00-ден 20:00-ге дейін Төле би көшесінің бойымен Сайын көшесі мен Өтеген батыр көшелерінің аралығындағы тұрғын үйлер мен басқа да ғимараттарға суық су беру тоқтатылады.

"Уақытша қолайсыздықтарға түсіністікпен қарауыңызды сұраймыз. Анықтама телефоны: 274-66-66", - делінген хабарламада.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!