Түрксіб ауданында тұратын алматылықтар түннен бері газ жоқ екенін айтып жатыр. Олардың сөзінше, көп үй жылусыз қалған, - деп хабарлайды Massaget.kz тілшісі.
"Кеше түннен бері Жұлдыз шағын ауданында және Алматы қаласының Түрксіб ауданының іргелес көшелерінде жылу мен газ жоқ", - дейді тұрғындар.
QazaqGaz Aimaq АҚ 16 қаңтарда кәріз құбырларын төсеу үшін жүргізілген жұмыстар кезінде орташа қысымды жерасты газ құбырының учаскесі зақымдалғанын хабарлады.
"Оқиға асфальт төсеу кезінде жеке тұлғалардың кәсіби емес әрекеттерінің салдарынан болды. Осыған байланысты қазір QazaqGaz Aimaq АҚ Алматы өндірістік филиалы газ құбырының зақымдалған учаскесінің апаттық-қалпына келтіру жұмыстарын жедел орындауға кірісті", - деп жазылған хабарламада.
Жұмыстарды орындау кезінде газ мына аймақтарда уақытша тоқтатылады:
- көпқабатты тұрғын үйлердің 8 048 пәтері;
- 2 543 жеке үй;
- 67 коммуналдық-тұрмыстық және өнеркәсіптік кәсіпорын.
Қауіпсіздікті қамтамасыз ету мақсатында алматылықтардан газ крандарын жабуды және жұмыстар аяқталғанға дейін крандарды ашпау сұралды.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова