TikTok қолданушысы Алматыдағы Қонаев – Бөгенбай батыр көшелерінің қиылысындағы бағдаршамның дұрыс жұмыс істемеуіне байланысты жүргізушілерге айыппұл салынып жатқаны туралы видеоны жариялады, – деп хабарлайды Massaget.kz тілшісі Tengri Auto-ға сілтеме жасап.
Кадрлардан бағдаршамның қызыл түсі жанып тұрғаны, шамның сарыға, кейін артынша қайтадан қызылға ауысқанын байқауға болады. Видео авторының айтуынша, көлік жүргізушілерінің көпшілігі осының кесірінен қызыл түске өтіп кеткен.
@ackar_arystambayev♬ оригинальный звук - Аскар
Видео 4 миллионнан астам қаралым жинады, қолданушылар пікір жазып, наразылықтарын білдірген. Көпшілік бұл жайттың жол апатына себеп болып, жол қозғалысына қатысушылардың өмірі мен денсаулығына зиян келтіруі мүмкін екенін айтып жатыр.
Алматы қалалық мобилділік басқармасы бұған қатысты түсінік берді.
"Бұл бағдаршам қысқа тұйықталу салдарынан қайта іске қосылды, 12 қазанда қалпына келтірілді, бағдаршам қалыпты режимде жұмыс істеп тұр", – деп жауап берді ведомство.
Аптаның басты оқиғалары мен пайдалы видеоларды көру үшін YouTube арнамызға жазылыңыз