Алматыдан Қаскелең мен Ұзынағашқа автобус маршруты ашылды, - деп хабарлайды Massaget.kz тілшісі.
Алматы мегаполисінің агломерациямен көлік байланысын нығайту мақсатында 1 қарашадан бастап тағы үш қала маңына қатынайтын маршрут іске қосылды.
№245 маршрут: Ұзынағаш ауылының автобекетінен – Төле би-Ясауи автобекетіне дейін. Бұл бағытта үлкен сыйымдылықтағы 25 автобус қызмет көрсетеді. Қозғалыс уақыты: 5:45-тен 23:00-ге дейін. Тасымалдаушы - Ecobus service ЖШС-ы.
№254 маршрут: Қаскелең – "Сәлем" базары. Мұнда үлкен сыйымдылықтағы 16 автобус жұмыс істейді. Қозғалыс уақыты: 5:50-ден 23:00-ге дейін. Тасымалдаушы - "Мәдина" ЖШС-ы.
№239 маршрут: "Б.Момышұлы" метро бекеті - Долан ауылы. Бұл бағытта 18 автобус қызмет көрсетеді. Қозғалыс уақыты: 5:30-дан 23:01-ге дейін. Тасымалдаушы - Neo City Trans ЖШС-ы.
Жол ақысы қала ішіндегі сияқты 120 теңге, барлық автобус "Onay" электронды билеттеу жүйесімен жабдықталған.
Айта кету керек, жолаушылар мен жүкті автокөлікпен тасымалдау ережесіне сәйкес, бұл маршруттар тасымалдаушыларға байқау өткізілгенге дейін уақытша берілді және сынақ режимінде жұмыс істейді. Мониторинг нәтижесі бойынша маршруттардың қозғалыс сызбалары жолаушылар легі мен халықтың қажеттілігіне қарай түзетіледі.
Instagram парақшамызға жазылып, ең қызықты ақпараттарды бірінші болып оқыңыз!