Алматыдағы метрода бір адам рельске түсіп, қайтыс болды

Алматыдағы метрода бір адам рельске түсіп, қайтыс болды, - деп хабарлайды Massaget.kz тілшісі.

Желіде Алматы метросында ондаған адамның вагондарды тербетіп жатқаны бейнеленген видео тарады. "Абай" метро станциясында адамдар рельске құлап кеткен ер адамды құтқармақ болған. Өкінішке қарай, ол көз жұмды. 

Бұл деректі Алматы қалалық полиция департаментінің баспасөз қызметінің өкілдері растады. 

"Бұл дерек бойынша тергеу амалдары жүргізіліп жатыр. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталып жатыр", - Алматы қалалық полиция департаменті баспасөз қызметі өкілдері.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!