Алматыдағы метро станциясынан Назарбаевтың портреті алынып тасталған
![Алматыдағы метро станциясынан Назарбаевтың портреті алынып тасталған](/userdata/news/news_99466/image_l.jpg)
Алматыдағы метро станциясынан Нұрсұлтан Назарбаевтың портреті алынып тасталған, - деп хабарлайды Massaget.kz тілшісі Tengrinews.kz-ке сілтеме жасап.
"Алмалы" станциясының вестибюліндегі витраж паннолардың бірінде ілініп тұрған Қазақстанның бұрынғы президенті Нұрсұлтан Назарбаевтың фотосы жоғалып кетті.
2023 жылғы ақпандағы фото/2 GIS
Фото: Tengrinews.kz
Алматы метросының баспасөз қызметі бұған қатысты түсінік берді.
"Сурет жақтауы мен әйнегі сынғаннан кейін демонтаж жасалды", - деп хабарлады баспасөз қызметі.
Айта кетейік, Назарбаевтың фотосуреті 2011 жылғы 1 желтоқсанда Алматыда метро іске қосылғалы бері тұрған. Оны "Алмалы" станциясындағы витраж панносының үстіне суретшілер Ғазиз Ешкенов пен Айдар Жамхан орнатқан.
Түрлі-түсті шыны паннода гүлдеп тұрған алма ағашы бейнеленген, ал фотода экс-президент алма ағашының бұтағына қарап тұрған еді.
Өзекті жаңалықтарды өз уақытында оқу үшін Facebook парақшамызға жазылыңыз!
М. Лұқпан