Алматыдағы мектептердің бірінде жаңа жылдық кеште жанжал шыққан
![Алматыдағы мектептердің бірінде жаңа жылдық кеште жанжал шыққан](/userdata/news/news_98010/image_l.png)
Алматыдағы мектептердің бірінде жаңа жылдық кеште жанжал шыққан, - деп хабарлайды Massaget.kz тілшісі mgorod.kz-ке сілтеме жасап.
№28 лицейдегі жаңа жылға арналған шара кезінде бастауыш сынып оқушысының ата-анасы дау шығарған. Оған хаттама толтырылды.
Мектептегі жаңа жылдық ертеңгіліктің видеосы әлеуметтік желілерде тарап кетті. Кадрларда әйел балаларға айқайлап жатқанын көруге болады. Видеода оқиға 27 желтоқсанда №28 мектеп-лицейінде болғаны айтылған.
"Жаңа жыл бастауыш сынып оқушылары үшін өткізілді. Іс-шараны жоғары сынып белсенділері тегін өткізді. Баланың ата-анасына оның қалай өтіп жатқаны ұнамады. Ол балаларға сын айтып, дөрекілік таныта бастады, ал оған қатысушылардың бірі бұл мерекені өзіне өткізуді ұсынды. Осыдан кейін ол оқушыларға айқайлап, балағат сөздер айтты", - деп жазды болған оқиғаның куәгерлері.
Алматы қалалық Білім басқармасы ата-аналарға мерекеге кіруге тыйым салынғанын хабарлады. Бірақ кейбіреулері сынып жетекшілері арқылы бастауыш сынып оқушыларын киіндіру үшін сыныпқа келген.
"1 "Г" сыныбының ата-анасы баласының киімін ауыстыруға көмектесуге келді, содан кейін онымен бірге залға барды. Мереке аяқталған кезде ол оқушыларға жақындап, наразылығын білдіре бастады. Мектеп әкімшілігі оны, тыныштандыруға тырысып, полиция шақырды", - деп түсіндірді ведомство өкілі.
Учаскелік полиция қызметкері әйелге хаттама толтырды. Әкімшілік іс Медеу аудандық ішкі істер басқармасында қаралып жатыр.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова