Алматыдағы кейбір көшелерде қозғалыс сызбасы өзгереді
![Алматыдағы кейбір көшелерде қозғалыс сызбасы өзгереді](/userdata/news/news_108768/image_l.jpg)
Алматыда Сейфуллин даңғылы мен Жансүгіров көшесінің қиылысында қозғалыс сызбасы өзгереді, - деп хабарлайды Massaget.kz тілшісі әкімдіктің баспасөз қызметіне сілтеме жасап.
Сейфуллин даңғылы мен Жансүгіров көшесінің қиылысында жол айрығын салу аясында жоғарыда көрсетілген учаскеде көлік құралдарының қозғалысына кезең-кезеңмен шектеулер енгізіледі.
Мәселен, 7 маусымнан бастап Сейфуллин даңғылының оңтүстігінде Жансүгіров көшесі бойынша көлік құралдарының қозғалысы шектеледі. Қозғалыс Жансүгіров көшесінен Сейфуллин даңғылына және Сейфуллин даңғылынан Жансүгіров көшесіне дейінгі жол айрығының съездері бойынша қамтамасыз етіледі.
14 маусымнан бастап Сейфуллин даңғылының солтүстігінде Жансүгіров көшесі бойынша көлік құралдарының қозғалысы шектеледі. Қозғалыс съездер бойынша қамтамасыз етіледі. Бұл сызба 1 қыркүйекке дейін жарамды болады.
Айта кетейік, жобада Сейфуллин даңғылында көліктің кедергісіз жүруі үшін жалпы ұзындығы 690 метр болатын екі тоннель салу көзделген. 4 жер үсті жаяу жүргіншілер өткелі, тротуарлар және көгалдандыру қарастырылған. Жыл соңында жол айрығында көлік қозғалысын толық ашу жоспарланып отыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова